Жастар ресурстық орталығының қызметкерлері турнир барысында қатысушыларға қолдау көрсетіп, командаларға жанкүйер болып, нағыз спорт мерекесінің атмосферасын қалыптастырды. Ойындар тартысты, әсерлі әрі жоғары деңгейде өтті. Жас футболшылар тамаша дене дайындығын, жігерін, ұйымшылдығын, жеңіске деген ұмтылысын және шынайы командалық рухын көрсетті.
Жарыс соңында Жастар ресурстық орталығы турнирдің үздік ойыншыларын келесі номинациялар бойынша марапаттады:
— «Үздік шабуылшы»;
— «Үздік қорғаушы»;
— «Үздік қақпашы»;
— «Үздік бомбардир».
Жеңімпаздарға грамоталар, естелік сыйлықтар мен бағалы сыйлықтар табысталды.
Айта кету керек, жарыс өте ыстық ауа райында өтті. Жас спортшылар бар күш-жігерін салып, қатты шаршады. Ойындар аяқталғаннан кейін, төрешілер алқасының кеңесі өтіп жатқан уақытта, Жастар ресурстық орталығы барлық қатысушыларға балмұздақ таратып, спортшыларға қолдау көрсетіп, көтеріңкі көңіл күй сыйлады.
Турнир спорттың, достық пен патриотизмнің нағыз мерекесіне айналды. Барлық қатысушыларға, ұйымдастырушыларға, жаттықтырушылар мен жанкүйерлерге жарқын эмоциялар мен әділ ойын үшін алғысымызды білдіреміз.
Жас спортшыларға зор денсаулық, жаңа спорттық жетістіктер, өз күштеріне сенім, алдағы жеңістер мен барлық бастамаларында табыс тілейміз!
